Мае карані

сл.Уладзімір Цанунін
автар-выканаўца Анатоль Мягкі

Салаўіные песні на золку
Ўспамінаюцца ў казачным сне,
Лугавыя пахучыя зёлкі
Быццам клічуць здалёку мяне.

Прыпеў:

Дом бацкоўскі з вясёлкай над ганкам
Голас пеўня ў суседнім двары.
І ў акенца плыве з-пад фіранкі
Пах язмінавы ў ззянні зары.

І няма ні турбот, ні трывогі,
Не палохаюць думкі бядой.
Быццам зноў я бягу басаногі
Да крыніцы за чыстай вадой.

Прыпеў.

Гай бярозавы. рэчка і поле.
Ясны ранак у росным агні...
Не забыць мне такога ніколі,
Бо адгэтуль мае карані.

Прыпеў.