Давайце маліцца...

Давайце маліцца за тых, хто ў бядзе,
Адкрыта, сардэчна і шчыра.
Залічыцца гэта на Божым судзе,
Мы клічам да згоды і міру.

Даруй нашым душам, Усявышні, святло,
Каб радасць у сэрцах паўстала
І Божаю ласкай людское цяпло
Спагадаю сэрцы кранала.

Не высушыць слёзы ўдоў і сірот
І маці праплакалі вочы.
Паўсталі вайною народ на народ,
Ніхто прымірыцца не хоча.

Мы просім адрынуць нязгоду вайны,
Наставіць на шлях пакаяння.
Хай прыйдуць дадому жывымі сыны
І радасным будзе спатканне…