Мой народ вынішчала вайна

Туманы навісаюць над рэкамі,
Над пагостам плыве цішыня.
Невыносна смяротнымі бедамі
Мой народ захліснула вайна.

Успамінамі сэрцы хай поўняцца,
Перамога жыццё нам дала.
Да нябёсаў народ шчыра моліцца,
Каб у міры краіна жыла.

Прыпеў:
Туманы праплываюць над хатамі,
І тужліва маўчыць цішыня.
Пяць гадоў непамернымі стратамі
Мой народ вынішчала вайна…

Навакол Абеліскаў пад зоркамі,
На траве слёзы кропляй расы,
Ды за рэчкай - мяжой пад аблокамі
Новых войнаў чутны галасы.

Я малюся Святымі малітвамі,
Ад вайны, Божа, нас зберажы.
Час імкне міжусобнымі бітвамі,
Пад напругай трымцяць рубяжы.

Прыпеў: