Восень залатая...

Адыходзіць лета, адыходзіць,
Прыгажосцю фарбаў карагодзіць.
Крокамі нясмелымі ступае
Следам лету восень залатая.

Прыпеў:
Залатая восень, залатая,
,,Баб’ім”летам душу сагравае,
Прыгажосцю сэрцы напаўняе
Залатая восень, залатая.

Наступае восень, наступае,
Пазалотай дрэвы атуляе.
Неба ажывае жураўлямі
З развітальным крыкам над палямі.

Карагодзіць восень, карагодзіць,
Сонца над зямлёю нізка ходзіць.
З ветрам лістападамі гуляе,
Пазалотай землю замятае.