Ох, суседачка мая!..

Слова - Янусь МАЛЕЦ
Музыка и исполнение - Николай ЯЦКОВ

(на белорусском языке)

Закахаўся я ў суседку,
Ой, бяда мая, бяда!
А суседка – быццам кветка
Ці крынічная вада.

Як праходзіць міма вокнаў,
Я гляджу, як з клеткі звер, -
Так, здаецца, уніз бы скокнуў,
Каб не сёмы быў паверх.

П р ы п е ў  :
Ох, суседачка мая,
Кветка-сінявочка!
Кожны дзень сумую я
І не спіцца ўночку.

У суседкі вочы-дзіва!
І смяюцца, і гараць,
Закрываюцца гулліва
І завуць пацалаваць.

Толькі цяжка здзейсніць гэта:
Жонка, дзеці, цёшча ёсць,
І гляджу я на суседку,
Як на торт нясмелы госць.

П р ы п е ў .

Перасела, быццам костка,
Сінявочка у душы –
Лх, і страшная хваробка,
Хоць завый ці скавычы.

Быў у доктара, дарэчы,
У каханні ён ні ў зуб!
Кажа: “Дровы трэба секчы.
Пажадана цвёрды дуб!”

П р ы п е ў .