Мэк зашутёна дро фэлды о цвэты

* * *
Мэк зашутёна дро фэлды о цвэты,
Мэк заштылён дро вэша чирикля,
Паше дром дужакирла камлэс,
Росчудэ-пэ про чар мирикля…


— Ров, миро болыбэн, бришиндэса,
Мэк тхадёла ило ратэса
Коли мэ на дыкхавапэ лэса,
Мэк хасёла про свэто са.


— Миро грай чирикляса урняла,
Э балвал росчурдэла бала,
На ров, гожо, дыкло мэ янава,
Запхандава про тирэ бала.


Мрэ ромняса дро шатра заджява,
Бьяв багала ваш тукэ гиля,
Про васта гожона мэ лыджава,
Мэк холясон тирэ амалня.

Автор:
Георгий Цветков

Живопись:
Great Semiramis, Queen of Assyria - Cesare Saccaggi

Music by AI & Agni_Agnelli